GUGMANG TINUD-ANAY NGA WALAY HUBOAY (Guy's POV)

(C) Google.com

Daghan sa mga mag uyab nga kabataan karong panahon dili mag dugay kung dili mo sulod sa "PREMARITAL SEX". either gi sabotan o tungod sa curiosity. pero tinood ba nga sukdanan ang sex sa usa ka lig-on nga relasyon? kasagaran sa mga babae mo ingon nga dili nila ma angkon ang gugmang tinud-anay gikan namong mga lalaki  kung dili nila ihatag ilang "Virginity". pero para nako, dili kini sukdanan para mahimong lig-on ang usa ka relasyon. daghang mga pamaagi nga pwedi himoon sa usa ka babae aron ma angkon nila ang gugmang tinud-anay nga dili mo engange sa premarital sex. 

1. Supportive

Para namong mga lalaki, okay na sa amoa kung among uyab supportive sa among mga gusto ug interest sa kinabuhi.( usa ka maayong halimbawa niini; Kung ang inyong boyfriend hilig mag duwa ug basketball, supportahan ninyo sila pinaagi sa pag lantaw sa duwa ug pag cheer. or pag trapo-trapo kunohay sa ilang mga singot. mamahimo silang proud sa inyo labi na kung daghang tao ang maka saksi....dungag pogi points na para namo) pero kung dautan nga binuhatan ang inyong ma saksihan gikan sa inyong boyfriend, ayaw ug suportahi!

2. Respeto sa privacy 

kadaghanan namong mga lalaki samokan ug dili ganahan kung among uyab dili kabalo mo respeto ug privacy! dili porket uyab, kinahanglan kabalo sa tanan ug dapat ipa hibalo ang tanan. aduna pud mga butang nga dapat magpabilin nga private para namong mga lalaki. (kasagaran sa mga in-ani nga kaso ang FB accounts sa boyfriend nga hilabtan sa ilang uyab, ang cellphone nga halos kada oras i check) 

3. Good Influence 

Ganahan ming mga lalaki kung among uyab mamahimong maayong impuwensya sa amo.( kung ikaw ang klase sa babae nga hilig mo simba, testingi ug impluwensya imong uyab hantod iya kining ma adopt ug hantod siya na mismo ang mo hagad nimo.) 

4. May direksyon ang kinabuhi

Ganahan kaayo ming mga lalaki ug uyab nga daghang pangandoy/pangarap sa kinabuhi, dili lang para sa iyang kaugalingon ug para usab sa inyong relasyon. usa ka basehan namong mga lalaki para ma sulti namo nga ang usa ka babae adunay direksyon sa kinabuhi kay kung ang among uyab kugihan/masipag ug dili mo sayang sa oras para sa mga butang nga walay hinungdan. 

5. Caring

Kaming mga lalaki ganahan mi kung among uyab mo palangga ug sakto namo! dili pasabot nga kinahanglan magkita matag adlaw para alagaan me, kundi dapat naa among uyab sa sitwasyon nga kinahanglan namo ug pag atiman nga ang uyab ra ang maka hatag.

6. kahibalo mo tulon ug pride (Dili katong sabon) 

Ang tanang tao nga na buhi sa kalibutan adunay pride! pero sa usa ka relasyon, kinahanglan dili ipa labi ang pride. natural namong mga lalaki ang mag labaw ang pride usahay, labi na pag abot sa mga butang nga kinahanglan kami ang mo desisyon mao nga dapat kahibalo mo pa ubos among girlfriend para ma likayan ang conflict sa relasyon.

7. kahibalo kung unsa among gusto ug dili gusto

Para namong mga lalaki, ganahan me kung among uyab kabalo sa among likes and dislikes. hilabi na pag abot sa pagkaon, sitwasyon ug batasan. busa kamong mga babae dapat kabalo mo adjust.

8. Dili mo demand ug butang nga dili namo kayang i hatag

Adunay mga babae nga hilig mo demand sa ilang uyab, hilabi na pag abot sa materyal na butang! okay ra kana.. apan dapat kanang ma kaya ra ihatag ug dili mo abot sa punto nga nagkalisod na me aron lang ma hatag inyong gusto.

9. Dili dalo ug oras / kahibalo mo value ug oras nga among i hatag

Importante ang oras sa usa ka relasyon, dili mi ganahang mga lalaki ug babae nga dili kabalo mo value ug panahaon nga among i hatag. 

10. faithful

Ang usa sa pinaka importante sa tanan mao ang "faithfulness", bisag unsay mahitabo sa usa ka relasyon, bisan ka pila pa mo agi ug away basta magpa bilin nga faithful ang babae posible pud nga magpa bilin nga faithful ming mga lalaki.  "AWAY LANG! WALAY BULAGAY" 

Busa para nako dili sukdanan ang SEX para ma angkon ang gugmang tinud-anay ug magpabilin nga lig-on ang relasyong boyfriend ug girlfriend! kay kung tinood nga nag hinugugmaay ang mag uyab, maka huwat sila sa saktong panahaon! 

(Devils Advocate) 

Essential ang SEX sa usa ka relasyon...................kung ang LALAKI ug BABAE kay KASAL NA!